كورسييز بتقدملك 29 نصيحة للحفاظ على وظيفة أحلامك.
لأن وظيفة أحلامك هدف يجب الحفاظ عليه.
- راعي ضميرك و اعرف ان الوظيفة رزق و الرزق بأيد ربنا سبحانه وتعالى.
- اضغط على نفسك في الشغل بس افتكر انك بني آدم و محتاج تريح.
- أوعى تظلم حد … صدقني الدنيا مش مستاهله.
- العلاقات الانسانية مهمة طبعا …. بس برضو احنا مش فالنادي.
- ألعب رياضه … الرياضة بتنمى العقل برضو.
- عامل الناس كويس … بس خلى بالك من الخوازيق.
- خليك ايجابي …..بس مش أهبل.
- أوعى تكدب مهما كانت العواقب (موظف غلطان أفضل بكتير من موظف كداب) .
- العميل دايما على حق…. بس المدير برضو دايما على حق .
- طلع صدقات وأدعي كتير.
- ألبس شيك…وخليك مبتسم.
- ماتنصحش حد في اجتماع ولا قدام حد.
- ماتبعتش ايميل وانت متنرفز … حطه فالدرافت و ارجع ابعته لما تهدي.
- ما تقراش ايميلات عالصبح.
- أقفل الاوتلوك و حط مواعيد لقرايه الايميلات خلال اليوم. متقلقش الكوارث بتيجي على التلفون مش على الايميل.
- ساعد كل الناس هتلاقي حياتك بتجرى ناحيه النجاح.
- ظبط الاوفيس بوي هيظبطك.
- راجع القواعد اللي فاتت تاني .
- لو هتسيب شغلك وتروح مكان تاني حافظ على العلاقات القديمة.
- طور نفسك طول الوقت … محدش بيكبر على العلم.
- اتعلم ازاى تعرف تعمل بريزنتيشن.
- اتعلم المبادئ المالية.
- أتعلم مهارات البيع عشان تعرف تبيع افكارك.
- خليك محدد و اتكلم دايما بالأرقام.
- أبنى شبكه علاقات بره الوظيفة (سافر- أحضر دورات- مؤتمرات …. ) .
- حافظ بقي على شبكه العلاقات وعلى الاقل تواصل معاهم مره كل شهر.
- حدد ولو كروكي انت نفسك تعمل ايه فحياتك المهنية عشان تعرف تاخد قرارات.
- حوش …. اعمل حساب فالبنك للادخار و اعمل عليه تحويل اوتوماتيك من الحساب اللى بينزل المرتب عليه بنسبة من المرتب (10% مثلا)
- اطبع القواعد دي وخليها قدامك لغايه ما تبقي جزء من حياتك .
بتطبيق تلك النصائح الموجوده اعلاه نضمن لك حياه وظيفية مستقرة نسبيا بالاضافة الى مهاراتك الحقيقية وأدائك فى العمل كما يجب تطبيق القاعده الذهبية والمعروفة لنا جميعا حب ماتعمل حتى تعمل ما تحب.
مع تمنيات موقع كورسييز.كوم بحياه وظيفية مستقرة .
دا لو لقيت الوظيفة طبعاً 😉